Fel mae’r teitl yn dangos, mae hi nawr ychydig dros hanner ffordd drwy’r tymor ac mae’n amser i’r gwaith ail-ddechrau. Ar ol i’r arholiadau orffen a’r tymor newydd o ddarlithoedd a seminarau gychwyn, dychwelais i’r patrwm hwn o waith. Ar y cyfan mae’r tymor yma wedi bod llai prysur a ‘hectic’ na’r un diwethaf; mae’n edrych fel bod pawb wedi dod dros cyffro cyrraedd y Brifysgol. Ond dyw hwn ddim yn golygu bod yr amseroedd da wedi gorffen, dim o gwbl! Gyda’r 6 Gwlad yn cadw penwythnosau pawb yn brysur a’r wythnos ei hun wedi neilltuo i newid y ‘Fantasy Team’ 6 Gwlad ar gyfer pwy sy’n cael hawliau brolio Pantycelyn, mae dal digon o hwyl a chymdeithasu yma.
Un o’r digwyddiadau mwyaf hwyl yn yr wythnosau dwethaf oedd yr Eisteddfod Rhyng-Golegol yng Nghaerdydd. Yn debyg iawn i Eisteddfod traddodiadol (ond am y bar sydd ar agor o 10 y bore i 2 yr hwyr!) roedd yr eisteddfod yn brofiad ardderchog. I’r rhai sydd ddim yn gwybod, yr eisteddfod ‘rhyng-gol’ yma yw cyfle i Aberystwyth, Bangor, Caerdydd, Abertawe a’r Drindod i gystadlu yn erbyn ei gilydd mewn cystadleuthau sydd mor eang a ’sketch’ gomedi, Cor a Dawnsio Gwerin gyda cystadlaethau chwaraeon fod r y dydd Gwener! Mae hi’n hynod o hwyl cymdeithasu a phobl newydd o brifysgolion gwahanol tra bod allan gyda’ch ffrindiau chi: profiad i gofio yn sicr.
Er yr hwyl yma rydw i ar hyn o bryd yn ymchwilio ar gyfer fy nhraethodau ac am rhyw rheswm mae fy holl ddyddiadau cau wythnos nesa felly (yn wahanol i fy ffrindiau i :@) felly mae’r wythnos nesa mynd i fod yn un prysur…
